Xuicios y prexuicios sobre la oficialidá del asturianu na prensa llocal (2021)

Abstrakt

El procesu de reforma estatutaria n’Asturies, definíu col envís de da-y l’estatus d’oficialidá a la llingua asturiana, garró puxu a finales del añu 2021. L’alderique públicu tuvo una gran repercusión na prensa escrita asturiana, con numberoses espublizaciones de distintes persones de tol espectru políticu y social. Nesti sen, el principal oxetivu que nos plantegamos nesta investigación ye’l de facer un análisis de los estremaos artículos y tribunes d’opinión sobre la cuestión qu’apaecieron a finales del añu 2021 nún de los diarios de mayor tirada n’Asturies, esto ye, El Comercio, col envís d’estudiar, dende una perspectiva sociollingüística, los discursos y les ideoloxíes manexaes al rodiu de la pluralidá llingüística española y, en particular, de la llingua asturiana.